Details
Category: Fréttir
Hits: 545

Eins og kom fram í fyrri tilkynningu frá félaginu (skak.is og facebook síðu félagsins)  er auka aðalfundur boðaður vegna sameiningar TG og Hugins undir nafni Hugins. 

Fundurinn verður haldinn í Íþróttamiðstöðinni á Álftanesi mánudaginn 13. september kl. 20. 2 hæð. 

 

Skákfélögin TG og Huginn sameinast

Taflfélag Garðabæjar og Taflfélagið Huginn hafa ákveðið að sameinast undir nafni Taflfélags Garðabæjar og nýju merki þess félags. Samruninn hefur þegar verið samþykktur á aðalfundum hvors félags um sig, en aukaaðalfundur verður fljótlega þar sem ný stjórn verður kosin.

Samruninn mun verða með þeim hætti að félagsmenn Hugins munu færast sjálfkrafa í keppendaskrá sem félagsmenn Taflfélags Garðabæjar. Félagið verður eftir samrunann eitt öflugasta taflfélag landsins og mun senda margar sveitir til leiks á Íslandsmóti skákfélaga, auk þess að standa fyrir mótahaldi, þjálfun barna og öðrum viðburðum.  

Áhersla verður lögð á markvisst barna- og unglingastarf á skemmtilegum nótum ásamt því að móta öfluga og líflega umgjörð um skákiðkun fullorðinna, jafnt afreks- sem áhugamanna. Félagið mun leggja sig fram um að laða til leiks lítt virka skákunnendur af báðum kynjum og skapa þeim aðstöðu til að njóta þess að tefla saman í góðum hópi.

Stjórnir beggja félaga hafa trú á því að sameiningin muni koma félagsmönnum þeirra til góða  og að með þessu skapist sóknarfæri til að vinna að metnaðarfullum markmiðum tómstundastarfs með atfylgi öflugs bæjarfélags.


 

 

 

Details
Category: Fréttir
Hits: 1672

Vegna forfalla og veikinda hjá þjálfurum þá falla niður æfingar í dag 6. október.

Það verður æfing í næstu viku.

Details
Category: Fréttir
Hits: 611
Þriðjudagur
16:30-17:30 Framhaldshópur I (1-4 bekkur) og lengra komnir byrjendur
17:30-18:30 Framhaldshópur II (5-10. bekkur)
 
Laugardagur
12:30-13:30 Byrjendaflokkur (leikskóli og upp úr) 
13:30-15:00 Framhaldshópur I og II
 
Ef vafi er á í hvaða hóp á að skrá barnið þá er best að hafa samband við yfirþjálfara.
Fyrsta æfing verður laugardaginn 31. ágúst.
 
Byrjendur
Í Byrjendaflokki tökum við vel á móti yngstu krökkunum og þeim sem eru að taka sín fyrstu skref í skákheiminum. Við förum vel yfir mannganginn og önnur grunnatriði með skemmtilegum leikjum. Við kennum ýmis brögð og gefum góð ráð til að auðvelda krökkunum að móta sína áætlun á taflborðinu.
 
Krakkarnir læra að leysa skákdæmi í æfingaheftum Stepping Stones 1 og 2.
Hópurinn hentar vel byrjendum frá eldri árum á leikskóla og upp úr. Ætlunin er að börnin taki 1-2 ár í byrjendahóp áður en haldið er áfram í Framhaldsflokk 1.
 
Byrjendur (lengra komnir). Hópur mætir tvisvar í viku, með byrjendaflokki á laugardögum og Framhaldshóp 1 á þriðjudögum. Skraning er með byrjendaflokk.
 
Framhaldsflokkur 1
Fyrir börn sem kunna orðið mannganginn mjög vel. Jafnvel þó þau hafi ekki mætt hjá okkur áður en eru kannski að tefla heima á móti vinum og vinkonum eða á netinu og langar þig að læra meira?
 
Við rifjum hratt upp efni frá Byrjendahópnum og förum enn lengra í efnið.
Byrjum í Step bók 1, Step 1 plus og Step 1 mix og öðru námsefni.
Hópurinn stefnir á þátttöku í helstu barnaskákmótum á Íslandi.
 
Framhaldsflokkur 2
Elstu krakkarnir verða í Framhaldsflokki 2, u.þ.b. 5. bekkur og eldri.
Notum Step bækur fyrir lengra komna eftir getu.
 
Hér getur verið orðinn meiri munur á milli nemenda. Sumir hafa valið að taka skák alvarlega, og stefna á að undirbúa sig fyrir erfiðari verkefni eins og EM/HM ungmenna. Hér hjálpum við nemendum við að komast að í Skákskóla Íslands, meðfram æfingum TG.
 
Við tökum auðvitað líka vel á móti krökkunum sem tefla aðallega til gamans. Aðaláherslu setjum á að búa til skemmtilegan hóp sem gerir æfingarnar skemmtilegar.
 
Þjálfari
Yfirþjálfari TG er Lenka Ptácníková, stórmeistari kvenna í skák. Viðskiptafræðingur að mennt auk þess að hafa lokið gráðunum ECU School Chess Teacher og ECU Expert Coach.
Tölvupóst: This email address is being protected from spambots. You need JavaScript enabled to view it.
Sími: 699 7963

Öllum er frjálst að mæta og prófa.
Hlökkum til að sjá ykkur! 

Details
Category: Fréttir
Hits: 1667

Vegna vandamála með samgöngur þá komst þjálfari ekki á réttum tíma á æfingu í dag. 

Beðist er velvirðingar á því. 

Details
Category: Fréttir
Hits: 1978
Skákæfingar fyrir byrjendur (aðallega 1-4 bekk) hefjast mánudaginn 6. október í útistofu við Garðaskóla og standa frá kl. 15.30 til 16.30.
Þjálfari er Sóley Lind Pálsdóttir. Kennslan verður á mánudögum í vetur. 
 
Skákæfingar fyrir eldri og lengra komna börn og unglinga er einnig í útistofu við Garðaskóla og eru milli 17 og 18.30 á fimmtudögum. 
Þjálfari er Siguringi Sigurjónsson. 
 
Æfingagjald er 5000 kr. fyrir veturinn-(félagsgjald 2015 innifalið)

 

Page 2 of 3

Valmynd