Jóhann Helgi vann Gauta Pál í öðrum toppslagnum í Skákþingi Garðabæjar síðastliðinn mánudag og er þar með einn efstur í mótinu, þegar 2. umferðir eru eftir.
Báður tapaði hins vegar fyrir Agnar Tómas Möller sem skaust við það í 2. sætið. Guðlaug Þorsteins mjakaði sér svo nær toppnum með að vinna Ólaf Guðmundsson og er enn með í baráttunni um meistaratitil Garðabæjar, þrátt fyrir að Jóhann Helgi standi þar óneitanlega best að vígi.
Bárður, Guðlaug og Jón Þór Helgason sem vann Unnar Ingvarsson eru í 3-5 sæti með 3,5 vinning.
Pörun í 6. umferð fer fram á morgun fimmtudag.
ATH. skotta bætist í mótið því Friðgeir Hólm þurfti að segja sig úr mótinu, auk þess sem hjásetur eru ekki leyfðar lengur í mótinu. Ath. einnig að Guðlaug frestar skák sinni í 6. umferð til miðvikudags og verður skákin væntanlega tefld á Vetrarmóti öðlinga hjá TR.
sjá má allar upplýsingar um mótið á chess-results.
B flokkur er nú opinn upp á gátt. 4 skákmenn eru þar með fullt hús vinninga. Þeir Robert Luu og Þorsteinn Magnússon sem gerðu jafntefli í lítt telfdri skák. en þeir feðgar Guðmundur Agnar og Bragi þór unnu Mai bræður. Bragi á fremur skrautlegan hátt enda með koltapað tafl lengstum. Allir þessir skákmenn eru úr TR. Hugins mennirnir þeir Halldór Atli og Sindri Snær koma svo í humátt eftir.
TG ingum gekk upp og ofan í þessari umferð.
Jóhann Helgi, Gulla, Páll og Bjarnsteinn unnu, en Sindri gerði jafntefli. 2 töpin urðu innbyrðis og fengum við því 4,5 af 6 mögulegum í A flokki.
Í B flokki vann Axel skottu, Sólon gerði jafntefli og Sigurður sömuleiðis. Kalli tapaði hins vegar eftir að hafa haft betri stöðu. 2. vinningar í hús af 4. mögulegum.