Heim
Skákhátíð Fulltingis – áhugaverð úrslit í 3. umferð
- Details
- Written by: Administrator
- Category: Skákmót
- Hits: 396
Þriðja umferð Skákhátíðar Fulltingis fór fram 23. janúar. Boðið var upp á hatramma baráttu á flestum borðum. Þannig skildu t.d. engir keppendur jafnir í B-flokki. Í toppbaráttu A-flokks gerðu Bragi Þorfinnsson og Jóhann Hjartarson sannkallað stórmeistarajafntefli en Vignir Vatnar sigraði Örn Leó Jóhannsson og Helgi Áss lagði Dag Arngrímsson.
Fide-meistararnir efnilegu, Aleksandr Domalchuk-Jonasson og Þorsteinn Þorsteinsson tefldu eftirtektarverða skák. Þorsteini lætur jafnan vel að efna til stöðufræðilegra stympinga og sá eiginleiki varð honum að vopni í þessari rimmu. Eftirfarandi staða kom upp eftir 18. leik hvíts:
Hér sér Þorsteinn sér leik á borði og fórnar peði til að veikja stöðu hvíts á hvítu reitunum og um leið á 1. reitaröðinni: 18... d4! 19. exd4 cxd4 20. Bxd4 Bxg2 21. Kxg2 Dc6+ 22. Kg1 Hf-d8 23. De2 Da4. 24. Be3 De4 25. Hxd8+ Hxd8 26. Db5 Bxa3 (svarti biskupinn er að sjálfsögðu friðhelgur vegna máts uppi í borði) 27. Da5 Be7 28. Dc7 Db4 29 Dxa7 h5 30. h4 (sjá stöðumynd)
Í jafnri stöðu afræður Þorsteinn að fórna manni með hliðsjón af tímahraki hvíts: 30... Bxh4!? 31. Ha4 (hvítur teflir til vinnings en 31. gxh4 – Dg4 32. Kf1 – Hd1 leiðir til jafnteflis) 31. - De1+ 32. Kg2 Bxg3 33. fxg3 Hd1 34. Bg1?? (Nauðsynlegt var 34. Da8+ Kh7 35. D44+ g6 36. Kh3 sem virðist halda í horfinu) Df1+ 35. Kh2 Hd2+ og hér lagði hvítur niður vopnin.
Í A flokki er alþjóðlegi meistarinn Vignir Vatnar Stefánsson efstur með fullt hús stiga. Næstir koma stórmeistararnir Bragi Þorfinnsson, Jóhann Hjartarson og Helgi Á. Grétarsson með tvo og hálfan vinning hver.
Í B flokki er stórmeistari kvenna, Lenka Ptacnikova, efst með fullt hús stiga. Næstir koma Kristinn Bjarnason, Sæberg Sigurðsson og Eiríkur K. Björnsson með tvo og hálfan vinning hver.
Í 4. umferð leiða þessir saman hesta sína í A-flokki:
Í B-flokki verða viðureignir með þessum hætti:
Teflt er á mánudagskvöldum kl. 19.30 í safnaðarheimili Vídalínskirkju í Garðabæ, 7 umferðir alls, og eru áhorfendur velkomnir. ir.
Jólapakkamótið 2022
- Details
- Written by: Administrator
- Category: Skákmót
- Hits: 488
Jólapakkaskákmótið getur nú farið fram í fullri stærð og mun gera það laugardaginn 17. desember næstkomandi í Miðgarði í Garðabæ.
Amk. 3 jólapakkar verða í verðlaun fyrir bæði stráka og stelpur í hverjum flokki auk. amk. 3 happdrættisvinninga og er reiknað með að keppt verði í allt að 6 aldursflokkum auk peðaskákar fyrir þau yngstu. Allir keppendur fá glaðning að móti loknu að venju.
Tímamörk 7 mínútur á skák. Reiknað er með 5 umferðum í hverjum flokki.
A flokkur börn og unglingar fædd 2007 til 2009. kl. 11.00
B flokkur börn fædd 2010 til 2011 kl. 11.00
C flokkur börn fædd 2012 til 2013 kl. 11:00
D- til F flokkar fædd 2014 og yngri. kl.13:00 - 2-3 flokkar.
Peðaskák er bara fyrir yngstu börnin. kl. 13:15
ATH ef heildarfjöldi keppenda er færri en 150 keppendur byrja allir flokkar kl. 13:00.
Skráningarhlekkur: https://forms.gle/DjBu4xsgy7NSNFdv6 og á skak.is
Skráningu lýkur kl. 10.00 föstudaginn 16. desember.
Þátttökugjöld 500 kr. Óskast millifært á reikning TG. kt: 4911952319 rnr:546-26-2124.
Nánari upplýsingar í með því að senda post á
Mótsstaður:
Miðgarður, fjölnota íþróttahús, Garðabæ
Hlökkum til að sjá ykkur!!!!!
Pizzu skákhátíð TG
- Details
- Written by: Administrator
- Category: Skákmót
- Hits: 393
Pizzu skákhátíð fyrir krakkana á laugardag.
Hvenær: Laugardagur 1.10. kl. 14:00-15:30
Hvar: Miðgarður, 3.hæð (Vetrarbraut 18, 210 Gardabaer)
2 flokkar:
- 3. bekkur og yngri
- 4.-10. bekkur (mótið verður ekki reiknað til FIDE)
Teflum í um 1 klukkutíma. Verðlaun í báðum flokkum. Medalíur fyrir 1., 2. og 3. sæti, efst stúlkna og glaðning fyrir alla.
Fögnum móti með pizzuveislu í lokinn. Skráning lokast á föstudag 30.9. kl. 20:00.
Ókeypis fyrir skráða iðkendur TG, aðrir 500 ISK.
Hlökkum til að sjá ykkur! 
Skráning á: https://forms.gle/q6crTfjNWfHTXfce8
Rukkun félagsgjalda
- Details
- Written by: Páll Sigurðsson
- Category: Um félagið
- Hits: 1527
Félagið er um þessar mundir að senda út valkröfur til félagsmanna vegna greiðslu félagsgjalda fyrir árið 2022.
Miðað er við félagsmenn skráða á keppendaskrá skáksambands Íslands - skakmenn.skak.is 18 ára og eldri.
Eitthvað er um það að félagsmenn sérstaklega þeir sem hafa komið inn í félagið eftir sameiningu TG og skákfélagsins Hugins á síðasta ári, kannist ekki við að vera skráðir félagsmenn.
Ef þið teljið ykkur vera að fá sendar rukkanir fyrir mistök er vinsamlega hafið samband við félagið. Td. með því að senda félaginu skilaboð á facebook eða með því að hringja í formann (Páll Sigurðsson) í síma 8603120. eða með tölvupósti til að fyrirbyggja slíkt í framtíðinni.
Ath. einnig að félagsgjöld má greiða og þess að fá aðgang að sportabler á slóðinni https://www.sportabler.com/shop/tg
Page 4 of 15